Fletcher pranoi se ishte pa informacion lidhur me situatën menaxheriale të United pas humbjes 2-1 ndaj Brighton në kupë. Ai tha: “S’kam biseduar ende për këtë. Më duhet të raportoj nesër në mëngjes në Carrington, dhe kjo është e gjithë ajo që di. Nuk kam pasur asnjë indikacion. Të gjitha përpjekjet e mia kanë qenë për këtë [Burnley dhe Brighton]. Është një përgjegjësi e madhe të udhëheqësh këtë klub dhe kam dhënë më të mirën time, por ndjehem i zhgënjyer që nuk fituam.”
Fletcher shprehu zhgënjimin për eliminimin e United nga të dy kompeticionet vendase në raundin e parë, duke theksuar se ekipi do të luajë vetëm 40 ndeshje këtë sezon – numri më i ulët në 111 vjet. Ai tha: “Kjo është situata jonë, dhe nuk mund të fshihemi pas saj. Mund ta shihni se lojtarët janë të brishtë dhe kanë nevojë të forcohen, sepse tani është në dorën e tyre të reagojnë. Besimi është një nga gjërat më të rëndësishme në futboll. Kur nuk ke besim, duhet të punosh fort, të luftosh, të fitosh ndeshje – dhe pastaj besimi do të kthehet.”
Ai theksoi se karakteri i vërtetë shpërfaqet në kohë të vështira dhe se ekipi duhet të tregojë se dëshiron të jetë pjesë e ardhmërisë së Manchester United. Fletcher shtoi se lojtarët e përvojshëm dhe të talentuar duhet të riorganizohen dhe të tregojnë vullnet për të kontribuar. Ai theksoi se dikush do të vijë për t’i udhëhequr dhe se ata duhet të sigurojnë që të kenë shumë për të luajtur këtë sezon.
“Ky ekip është ende mjaft i mirë për të arritur sukses këtë sezon, por duhet të punojnë fort dhe të gjejnë forcën brenda vetes,” përfundoi Fletcher. Kjo situatë tregon sfidat që po kalon Manchester United dhe ylberin e përgjegjësive që peshojnë mbi lojtarët e tij.
