Një aksident me pasojë vdekjen e një personi është regjistruar mbrëmjen e së hënës në dalje të Vorës.
Sipas policisë, rreth orës 20:30, automjeti i drejtuar nga shtetasi Jani Tanusha 53 vjeç, ka përplasur këmbësorin Kujtim Luka 66 vjeç. Për shkak të plagëve të marra, ky i fundit humbi jetën në vendngjarje.
Drejtuesi i automjetit është shoqëruar nga policia në Komisariat për veprime të mëtejshme, ndërsa grupi hetimor ndodhet në terren dhe po punon për zbardhjen e plotë të rrethanave të ngjarjes.
