I irrituar nga thirrjet e përsëritura të presidentit ukrainas Volodymyr Zelensky për anëtarësimin e vendit të tij në Bashkimin Evropian, ministri i Jashtëm i Luksemburgut, Xavier Bettel, ka shfaqur rezerva..
“Sapo dëgjova që presidenti Zelensky tha se duhet të bëhet anëtar nga viti i ardhshëm. Më vjen keq. Ia kam thënë shumë here, mos vendos ultimatum. Nuk është në interesin tënd,” deklaroi Bettel.
Ministri theksoi se duhet të respektohen kriteret e Kopenhagës, të cilat zbatohen për të gjithë.
“Ekzistojnë rregulla, kriteret e Kopenhagës, dhe duhet t’i përmbushim. Nuk mund të themi se ka kritere për njërin dhe jo për tjetrin,” tha ai, duke shtuar se “derisa kriteret e Kopenhagës nuk përmbushen, nuk mund të themi: ‘Ju lutem, hyni në familje dhe për ju do t’i mbyllim sytë, për ju do t’i mbyllim veshët, për ju do ta mbyllim gojën’. Jo. Kemi rregulla dhe duhet t’i respektojmë.”
