Ndeshja kundër Interit do të jetë finalja e njëmbëdhjetë e kupës në karrierën e trajnerit Luis Enrique. Dhe balanca është një nga ato që të jep të dridhura, veçanërisht për zikaltrit: trajneri spanjol, në fakt, midis Botërorit, Evropës, Spanjës dhe Francës i ka fituar të gjitha.
Ndër viktimat e tij të para ishte edhe një ekip italian, Juventus, i mundur 3-1 në Berlin nga Barcelona në finalen e Ligës së Kampionëve të vitit 2015. Në të njëjtin vit, “Lucho” i Blaugranëve fitoi gjithashtu Superkupën e UEFA-s (një fitore sensacionale 5-4 ndaj Sevillas), Kupën e Botës për Klube (3-0 kundër River Plate) dhe Kupën e Mbretit (3-1 kundër Athletic Bilbaos).
Pastaj ishte vetëm një seri triumfesh. Duke filluar me dy të tjera në Kupën e Mbretit me Barçën: 2-0 kundër Sevillas në vitin 2016 dhe 3-1 kundër Alaves në vitin 2017.
Edhe matanë Alpeve, në stolin e PSG-së, muzika nuk ka ndryshuar për Luis Enriquen. Dy Kupa Franceze dhe dy Trofe të Ligës së Kampionëve (SuperKupa Franceze) midis viteve 2024 dhe 2025. Vitin e kaluar kundër Lyon (2-1) dhe Toulouse (2-0), këtë sezon kundër Reims (3-0) dhe Monaco (1-0).
