Zgjedhjet e 11 majit konfirmuan në pushtet Partinë Socialiste dhe Edi Ramën duke i dhënë deri tani 83 mandate, ndërsa kanë mbetur gati edhe 60 mijë vota të diasporës për tu numëruar.
Por lufta e vërtetë tashmë po zhvillohet te vota preferenciale, aty ku po zhvillohet një betëjë e fortë brenda llojit, ku kandidatët po garojnë për çdo votë.
Më të forta zhvillimet duket se ajnë në qarkun e Tiranës në të dy kampet respektivë si tek PS ashtu dhe te PD.
Socialistët marrin deri në këto momente 19 mandate, ku 12 mandate dalin nga lista e mbyllur dhe 7 të tjerë nga lista e hapur.
Blendi Gonxhja, Erjon Braçe, Ervin Hoxha dhe Fatmir Xhafaj sipas prjeksioneve janë më të qetë, pasi mund të thuhet se e kanë siguruar mandatin, ndërsa Xhemal Qefalia dhe Ornaldo Rakipi po luftojnë fort për një vend në 5-she, pasi pavarësisht se socialistët marrin 7 mandate në qarkun e Tiranës, në vend prej njërit prej tyre do të jetë grua ajo që merr mandatin e shtatë referuar kodit zgjedhor.
Në vendin e shtatë tashmë ndodhet me vota Anila Denaj, e ndjekur nga Blerina dhe Olta Xhaçka.
Edhe mes grave ka një garë të fotë, ku njëra prej tyre mudn të hyjë direkt, ndërsa tjetra do të prese se cili mes Qefalisë apo Rakipit do të marrë më pak vota për t’i rrëmbyer vendin.
Kurse në kampin tjetër situata është më pak e qetë ku janë vetëm dy emra në garë për 1 vend, Jorida Tabaku e cila tashmë duket më pranë hyrjes në Kuvend dhe Ilir Alimehmeti.
Mbetet për tu parë se cilët do të jenë 8 deputetët që do të hyjnë në Kuvend nga lista e hapur e Tiranës ku shtatë hyjnë nga PS dhe 1 nga PD.
