Ademola Lookman, sulmuesi i Atalantës, është një emër që vazhdon të jetë në qendër të skenarëve të merkatos, duke krijuar një “telenovelë” për transferimet e tij. Pas një vere të tensionuar me Interin, interesimi për nigerianin është rindezur, sidomos për dy klube: Atlético Madrid dhe Fenerbahçe.
Atletico Madrid ka ndjekur Lookmanin që nga vera, por pas një zgjedhjeje për Nico Gonzalez nga Juventusi, emri i Lookman është rikthyer në tavolinën e drejtuesve madrilenë. Megjithatë, në orët e fundit të merkatos, Atletico ka ndryshuar fokusin e saj, duke u orientuar për të afruar një sulmues qendre, si Marcos Leonardo nga Al Hilal, çka duket se e mbyll derën për Lookman.
Fenerbahçe, nga ana tjetër, ka qenë më ambicioz për të siguruar shërbimet e Lookman. Klubi turk ka arritur një marrëveshje në parim me Atalantën dhe me lojtarin, e cila parashikon një transferim për rreth 40 milionë euro. Lookman do të përfitonte një kontratë katërvjeçare me një pagë totale prej 9 milionë euro në sezon. Megjithatë, negociatat janë bllokuar për shkak të diferencave në strukturën e pagesës dhe garancive bankare. Atalanta kërkon një pagesë fillestare prej 50% të vlerës së transferimit, ndërsa Fenerbahçe ka ofruar vetëm 10 milionë euro si këst fillestar.
Këto përplasje financiare rrezikojnë të çojnë në dështimin e marrëveshjes, megjithatë, një rikthim i Fenerbahçes me kushte më të favorshme për Atalantën mbetet një mundësi. Te gjitha këto ngjarje dp duken të krijojnë një atmosferë tensioni dhe pritjeje për të ardhmen e Lookman, i cili vazhdon të jetë një nga lojtarët më të diskutuar në merkato.
