Liverpool po kalon një periudhë të vështirë, me rezultate të dobëta dhe tensione brenda skuadrës, të cilat u shfaqën së fundmi në deklaratat e forta të Mohamed Salah. Pas 15 javësh në Premier League, Liverpool ndodhet në vendin e 8, me 6 humbje të pësuara, ndërsa situata në Ligën e Kampioneve nuk është më e mirë, me ekipin që mban vendin e 13 në grupin e tij.
Ky kaos ka nxitur spekulime për një mundshëm shkarkim të trajnerit aktual, Arne Slot. Sipas burimeve nga Anglia, drejtuesit e Liverpool janë duke konsideruar seriozisht largimin e tij dhe emri që po përmendet më së shumti si pasues është ai i legjendës së klubit, Steven Gerrard. Ish-kapiteni i Liverpoolit, i cili refuzoi një rikthim te Glasgoë Rangers, po shihet si kandidati kryesor për të rimëkëmbur skuadrën dhe për të shpëtuar sezonin.
Në sfond, emri i Julian Nagelsmann po merr gjithashtu vëmendje. Trajneri gjerman pëlqehet shumë nga pronarët e klubit por, sipas informacioneve, ai do të ishte i gatshëm të pranojë një ofertë vetëm pas Botërorit të vitit të ardhshëm.
Problemet e Liverpoolit janë akoma më të dukshme duke marrë parasysh se ekipi ka lënë pas një të kaluar të suksesshme, ku qëndronte në majat e futbollit anglez dhe europian. Në një moment kritik si ky, çdo vendim i marrë nga drejtuesit e klubit do të ketë pasoja të mëdha për të ardhmen e ekipit.
Një rikthim i Gerrard do të ishte një hap emocionues për tifozët, por sfidat përpara tij do të jenë të mëdha, sidomos duke marrë parasysh nivelin e lartë të pritshmërive që lidhen me emrin e tij dhe historinë e tij në klub. Në këtë situatë të trazuar, Liverpool ka nevojë më shumë se kurrë për një qëllim dhe një drejtim të qartë për të rivendosur stabilitetin dhe reputacionin e tij në botën e futbollit.
