Liqeni i Ohrit rrezikon të humbasë statusin në UNESCO për shkak të ujërave të zeza

Liqeni i Ohrit i cili është një ndër më të vjetrit në Evropë dhe ka statusin e Vendit të Trashëgimisë Botërore nga UNESCO, rrezikon ta humbë këtë status për shkak të papastërtisë që ka përfshirë ujërat e tij.

Liqeni ndodhet në kufirin midis Shqipërisë dhe Maqedonisë së Veriut. Ai ka marrë statusin e veçantë nga UNESCO për shkak të disa specieve unike që jetojnë atje, mes tyre dhe Trofta që është një lloj peshku endemik, në zhdukje.

Por tashmë ky status është në rrezik, nga ujërat e papërpunuara që derdhen në liqen dhe ndosin ekosistemin.

“Uji është i gjithi i kuq, i verdhë, kaf. Lumenjtë që derdhen në të nga të gjitha anët janë të ndotur. Unë kam 3-4 vite që nuk notoj më në liqen. Nuk besoj te cilësa e ujit, pasi nuk është i pastër. Sheh fekale gjithandej”, ka thënë një banor i Ohrit për REL.

Nga ana tjetër një numër i madh objeketesh janë ngritur pa leje në brigjet e liqenit të Ohrit. Por mes zhvillimit, deridhja e ujërave të zeza dhe hedhja e mbetjeve industriale në liqen, po dëmton florën dhe faunën. Këtu përfshihet edhe dëmtimi i trofës.

“Problemi qëndron se ky biodiveritet egziston në një mjedis, ku nuk mund të riprodhojë. Ai madje nuk ka as vend ku të jetojë. Prandaj popullsia e tij, veçanërisht e kërmijëve dhe specieve të tjera, po tkurret vazhdimisht sidomos 10 vitet e fundit. Nga ana tjetër, popullata e specieve joendemike po shtohet në mënyrë dramatike“, thotë një biolog nga Universiteti i Shkupit.

Për gjendjen e krijuar në ujërat e liqenit, UNESCO ka bërë 19 rekomandime ku sugjeron pastrimin, por asnjëherë nuk janë marrë masat e duhura edhe pse problematika është e kahershme. Neglizhenca nga institucionet përgjegjëse dhe vazhdimi i ndotjes së ujërave, e rrezikon liqenin që ta humbë statusin e Trashëgimisë Botërore.