Lionel Messi ka marrë një nderim të veçantë nga qyteti i Miamit për ndikimin e tij të jashtëzakonshëm në futbollin amerikan dhe komunitetin lokal. Gjatë American Business Forum, ylli argjentinas u nderua personalisht nga kryebashkiaku i Miamit me çelësat e qytetit, një simbol i respektit dhe mirënjohjes për kontributin e tij.
Që prej ardhjes së tij te Inter Miami në verën e vitit 2023, Messi ka transformuar futbollin në SHBA, duke tërhequr mijëra tifozë dhe duke ndikuar thellë në popullaritetin e Major League Soccer.
“Jam shumë mirënjohës për këtë nderim nga qyteti i Miamit, një vend i veçantë për mua dhe familjen time. Që nga dita e parë, njerëzit na kanë pritur me dashuri të madhe, dhe sot e ndjeva sërish gjithë mbështetjen e tyre,” – shkroi Messi në Instagram.
