Lezhë- Një zjarr i rënë aksidentalisht në tokën e një të moshuari, ka djegur sipërfaqet me grurë dhe ullishta në pronësi të tij në Lezhë.
Ngjarja ka ndodhur disa ditë më parë në Ishull-Lezhë, kurse Policia pas veprimeve paraprake referoi materialet në Prokurori për hetime të mëtejshme, me qëllim zbardhjen e shkaqeve të zjarrit.
Nga verifikimet e deritanishme rezulton se në një sipërfaqe toke në pronësi të O. Z., 88 vjeç, në lagjen Ishull-Lezhë, ka rënë zjarr, ku janë dëmtuar një parcelë me grurë dhe rreth 200 rrënjë ullinj.
Nga veprimet paraprake dyshohet se zjarri është shkaktuar aksidentalisht, si pasojë e temperaturave të larta”, tha policia.
Ngjarja është regjistruar më 28 qershor, por u njoftua vetëm ditën e sotme.
