Me pankarta në duar, aktivistë të lëvizjes “Bashkë” po protestojnë kundër buxhetit që po diskutohet në Parlament.
Qori u shpreh se prioritetet e vendit nuk po trajtohen siç duhet, duke përmendur se rritja e pagave për gjyqtarë, ministra dhe deputetë nuk është ajo që i nevojitet Shqipërisë në këtë moment.
Një tjetër arsye e protestës sipas drejtuesit të kësaj lëvizjeje është korrupsioni i gjithanshëm, i cili, sipas tij, ka kapur institucionet dhe ka cenuar besimin e qytetarëve. Qori argumenton se Kuvendi, si institucioni më i rëndësishëm i vendit, ka detyrimin të reagojë dhe të marrë masa konkrete.
Protesta u shoqërua me thirrje të shumta nga pjesëmarrësit, të cilët artikuluan slogane kundër kryeministrit Edi Rama. Mes tyre u dëgjua edhe thirrja “Edi Rama, ku i ke shokët, ik te shokët ”.
“Populli kundër korrupsionit dhe varfërisë”, është një tjetër pankartë ku ftohen qytetarët t’i bashkohen protestës.
