Pas spektaklit të fundit të Big Brother VIP Albania, Ledion Liço është bërë objekt i kritikave për një batutë të bërë ndaj Rizartës.
Moderatori, i njohur për stilin e tij të drejtpërdrejtë dhe humorin shpesh të papritur, duket se ka tepruar këtë herë, sipas ndjekësve të tij.
Në rrjetet sociale, veçanërisht në postimin e fundit në faqen zyrtare të Big Brother VIP Albania në Instagram, kanë shpërthyer reagime të ashpra ndaj tij.
Një përdorues shkruan: “Batuta për Rizartën ishte shumë e papërshtatshme. Po të ishe ti babai i saj, do ta kishe pranuar?” Ndërsa një tjetër e akuzon Ledionin se po përpiqet të krijojë momente virale, por po e kalon kufirin me komentet e tij: “Për të arritur sa më shumë meme, po thotë idjotllëqe!”
Disa ndjekës gjithashtu e kanë cilësuar qëndrimin e tij si arrogant dhe të papërshtatshëm për një moderator të një spektakli kaq të ndjekur.
Për momentin, Ledioni nuk ka reaguar në lidhje me polemikat, por diskutimi në rrjet duket se vazhdon.
