Interi triumfoi 3-1 ndaj Empolit mbrëmjen e djeshme në një takim mjaft spektakolar. Lautaro Martinez shënoi golin e avantazhit për të zikaltërtit që në minutën e 55-të.
Ndërkohë protagonist ishte edhe Kristjan Asllani, i cili asistoi në golin e 2-të të ekipit të tij, me Dumries që mposhtu portierin e Empolit. Ndëkohë për 3-1 shënoi Thuram në minutën 89-të.
Pas sfidës ka folur kapiteni. Argjentinasi i ka dalë në mbrojtje Kristjan Asllanit, i cili ditët e fundit ka marrë shumë kritika.
“Unë që kur kam nisur të luaj futboll e di shumë mirë se sa kritika kanë lojtarët. Asllani duhet të jetë i qetë sepse ai jep 100% në fushën e lojës. I flas shpesh edhe në stërvitje të përqendrohet vetëm te puna. Mjafton që të japi gjithçka për fanellën sepse ndonjëherë gjërat nuk shkojnë ashtu siç duhet. Jemi të lumtur për këtë fitore dhe duhet të vazhdojmë të punojmë”, ka theksuar Lautaro.
