Kreu i koalcionit ‘Nisma Shqipëria bëhet’, Adriatik Lapaj ka reaguar përmes një video të postuar në rrjetet sociale për deklaratat e Ramës nga Dibra lidhur me burrat. Rama nga Dibra i ka quajtur burrat në takimin me gratë e qarkut ‘çyrykë’”
‘Kjo jetë në këtë vend këtu më ka mësu se gjysma e burrave janë normal në këtë vend, gjysma janë çyryk.’- dëgjohet citimi i Ramës në video.
Më pas Lapaj pas deklaratës së kryeministrit në video thotë se, Rama ka marrë me detyrim gratë e administratës që tu shaj burrat e tyre.
Nga ana tjetër ai i bën thirrje burrave që t’i ndëshkojnë me votë në 11 Maj, socialistët. Nga ana tjetër Lapaj thotë se sipas tij, ‘këta e kanë zakon si parti që t’i quajnë njëherë burrat ‘zdromsa’ njëherë ‘çyryk’.
“Pra në vitin 2025 kryeministri thotë që gjysma e burrave të Shqipërisë janë çyryk dhe ka mbledh gratë e administratës me detyrim dhe ju thotë që burrat tuaj janë çyryk dhe I detyron në mënyrë apo në një tjetër të duartrokasin atë që ky i thotë. Edhe gratë e Shqipërisë i mbledh me detyrim për të sharë burrat e vetë, e paskan si parti këta, njëherë na quajnë zdromsa, njëherë na quajnë çyryk. Ndaj këta duhen ndëshkuar sepse këta na shohin si statistika dhe na tallin nga mëngjesi deri në darkë.”-tha Lapaj.
