Apple ka njoftuar disa pajisje të reja, duke përfshirë AirPods që ofrojnë përkthim në kohë reale, përmirësim të monitorimit të shëndetit në Apple Watch, si dhe “një përparim të madh për iPhone,” sipas CEO-së së kompanisë, Tim Cook. Këto nisma janë pjesë e një plani trevjeçar për rinovimin e iPhone-ëve, ku priten edhe iPhone-t e palosshëm vitin e ardhshëm.
Kjo herë, Apple paraqiti iPhone 17, pajisjen më të hollë dhe më të lehtë ndonjëherë, e cila megjithatë ofron shumë fuqi. Sipas analistit teknologjik Paolo Pescatore, “linja e re e iPhone-ve duket mbresëlënëse”. Modeli i ri vjen në pesë ngjyra, me ekran më të madh dhe më të hollë, i mbrojtur nga një shtresë ceramike më rezistente ndaj gërvishjeve. Ai përmban një kamerë të dyfishtë 48 megapikselëshe dhe një kamerë frontale të quajtur “centre stage”. Çmimi për modelin bazë është 799 dollarë.
IPhone Air u prezantua gjithashtu si modeli më i hollë dhe më i lehtë ndonjëherë, me një trashësi prej 5.6 mm dhe ekran prej 6.5 inç. Ky model ka një jetëgjatësi baterie të gjatë dhe do të përdorë kartela eSIM, duke reduktuar hapësirën fizike. Çmimi i saj arrin deri në 999 dollarë.
Pjesa tjetër e linjës përfshin iPhone 17 Pro dhe Pro Max, që përmendet si “iPhone më i fuqishëm ndonjëherë”, me përmirësime në materialet e ndërtimit dhe një sistem për menaxhimin e temperaturës. Çmimi për Pro fillon në 1099 dollarë, ndërsa Pro Max në 1199 dollarë.
Apple gjithashtu ka sjellë AirPods të rinj, me aftësi përkthimi dhe monitorimi të shëndetit, që do të kushtojnë 249 dollarë. Në anën e Apple Watch, modeli i ri përqendrohet më shumë në shëndet dhe përfshin monitorimin e hipertensionit dhe një skore gjumi.
Një tjetër lajm ishte dhe modelit SE3, që ka një ekran gjithmonë aktiv, dhe Apple Watch Ultra 3, që ofron funksionalitete premium për sportistët, me një çmim që fillon në 799 dollarë. Në përgjithësi, njoftimet e reja nga Apple sjellin përmirësime të dukshme që do të përshtaten me nevojat e shumta të përdoruesve.
