Kylie Jenner ka zbuluar së fundmi se nuk është thjesht partnerja e Timothée Chalamet, por edhe një fanse e madhe e projekteve të tij.
Gjatë një interviste në podcast-in e ri të Kid Cudi, “Big Bro”, i publikuar më 1 prill, Jenner tha se ka parë filmin “Wonka” rreth shtatë herë. Ajo u shpreh se “Është e vështirë për mua të përgjigjem se cili është filmi im i preferuar i Timmy-t, sepse ndiej se i dua të gjithë me të vërtetë “, tha ajo, por më pas shtoi: “Por ‘Call Me by Your Name’ është, pak a shumë, pothuajse perfekt. Është thjesht pothuajse perfekt .”
Ajo gjithashtu tha se i pëlqejnë shumë edhe filmat “Dune” (2021) dhe “Dune: Part Two” (2024), ndërsa shtoi se shpesh kthehet për të parë “Wonka”.
Në të njëjtin podcast, Kid Cudi kujtoi një përvojë kur kishte parë “Call Me by Your Name” në kinema me Chalamet, duke thënë se kjo u bë një traditë për ta të shikojnë filmat e aktorit së bashku.
Nga ana tjetër, në një intervistë me Vanity Fair më 11 mars, Jenner foli edhe për jetën personale, duke thënë se dëshiron të fokusohet te puna, fëmijët dhe udhëtimet, por gjithashtu shprehu dëshirën për të pasur më shumë fëmijë në të ardhmen. Ajo ka dy fëmijë me ish-partnerin Travis Scott: Stormi dhe Aire.
Jenner dhe Chalamet janë në një lidhje që nga viti 2023 dhe janë bërë gjithnjë e më publikë si çift në evente dhe dalje publike.
