Kuvendi pritet të mblidhet këtë të hënë, në orën 15:00, në një tjetër seancë plenare. Në rendin e ditës parashikohet miratimi i procesverbalit të seancës së kaluar, gjatë së cilës u votua përbërja e 11 Komisioneve të Përhershme Parlamentare.
“Rendi i ditës i seancës plenare është si më poshtë:
- Miratimi i procesverbalit të seancës plenare të datës 24.9.2025.
- Njoftime.
III. Ngarkohen shërbimet e Kuvendit për publikimin e rendit të ditës të seancës plenare, njoftimin e anëtarëve të Kuvendit me anë të mjeteve të komunikimit elektronik, si dhe përgatitjen e dokumentacionit parlamentar që do të shqyrtohet.”, thuhet në njoftimin e Kuvendit.
Në seancën e sotme pritet të jenë të pranishëm edhe deputetët Gazment Bardhi dhe Fidel Kreka, të cilët ishin përjashtuar për 10 ditë pas përplasjes së ndodhur më 18 shtator.
Kujtojmë se në seancën e datës 24 shtator, opozita dhe maxhoranca miratuan me 94 vota pro kryetarët dhe anëtarët e komisioneve të përhershme parlamentare. Kështu i dhanë fund ngërçit të krijuar nga opozita, e cila kundërshtonte ndarjen e re 7 (maxhoranca) me 4 (opozita) të komisioneve.
Nga ana tjetër, deputetët e opozitës kanë kërkuar përsëritjen e seancës që zgjati vetëm 25 minuta dhe ku u votua qeveria e re dhe programin e ardhshme.
