Në qendrën e votimit të vendosur në burgun e Durrësit, ku kryebashkiaku Erion Veliaj, Lefter Koka, Alqi Bllako dhe Ilir Beqaj ushtruan të drejtën e votës, është identifikuar një parregullsi gjatë procesit të numërimit të votave.
Në kuti u gjetën dy fletë votimi më shumë se sa votues të regjistruar. Fletët e votimit të gjetura janë shpallur të pavlefshme, ndërsa Komisioni Qëndror i Zgjedhjeve do të marrë një vendim për këtë çështje.
Për më tepër, dy kuti votimi në Sukth të Durrësit janë shpallur të pavlefshme. Njëra për shkak të problemeve teknike, ndërsa tjetra kishte një krisje prej rreth 20 cm, e cila mundësonte futjen dhe nxjerrjen e fletëve të votimit.
