Si pasojë e kalimit të një sistemi frontal nga Italia, moti në Shqipëri do të jetë i paqëndrueshëm. Orët e paradites do të sjellin alternime kthjellimesh dhe vranësirash, me reshje shiu të izoluara, veçanërisht në zonat veriore. Gjatë pasdites dhe natës, reshje shiu do të përfshijnë të gjithë Ultësirën Perëndimore, ndërsa në zonat malore të Lindjes priten reshje dëbore.
Temperaturat do të pësojnë rënie, duke u luhatur nga 0°C në zonat verilindore deri në 15°C në vijën bregdetare. Era do të fryjë mesatare deri e fortë, me shpejtësi maksimale deri në 55 km/h nga drejtimi Jugor-Jugperëndimor. Për pasojë, në brigjet detare do të krijohet dallgëzim mbi 4 ballë.
Moti i paqëndrueshëm do të vazhdojë gjatë natës me intensifikim të reshjeve.
