Presidenti Turk Recep Tayyip Erdogan ka reaguar lidhur me sulmin terrorist që ndodhi pasditen e sotme në Ankara.
Erdogan e dënoi sulmin që tronditi vendin, duke e cilësuar si të poshtër dhe që synonte mbijetesën e vendit.
“Sulmi terrorist kundër TUSAS, një prej institucioneve lokomotivë të industrisë turke të mbrojtjes, është një sulm i poshtër që synon mbijetesën e vendit tonë, paqen e kombit tonë dhe iniciativat tona mbrojtëse që janë simboli i idealit tonë të “Türkiyes Plotësisht të Pavarur”, deklaroi Erdogan në një postim në X.
Më tej presidenti është shperehur se duart që do të zgjaten drejt vendit të tij, do të thyhen: “Kombi ynë duhet ta dijë se duart e ndyra që zgjaten drejt Türkiyes patjetër do të thyhen; asnjë strukturë, asnjë organizatë terroriste, asnjë qendër e së keqes që kërcënon sigurinë tonë nuk do të mund të arrijë qëllimet e saj.”
Erdogan i shprehu ngushëllimet viktimave, teksa uroi shërim të shpejtë për të plagosurit.
“Përcjell urimet e mia më të mira për punonjësit e përkushtuar të TUSA, burim i krenarisë së industrisë sonë të mbrojtjes dhe kombit tonë”, përfundoi shkresën Erdoğan.
