Pak ditë më parë SPAK miratoi lejen e familjarëve të Veliajt për ta vizituar këtë të fundit në ambientet e paraburgimit në IEVP Durrës. Por kjo leje nuk përfshin vetëm takimet e kryebashkiakut me pjesëtarët e familjes së tij, por edhe takime pune.
Kërkesa për të zhvilluar takime pune është dorëzuar në Prokurorinë e Posaçme nga dy drejtorët e Bashkisë Tiranë Alban Dokushi dhe Sara Goxhaj.
Anëtarët e grupit të hetimit aprovuan këtë kërkesë duke pohuar se leja është firmosur dhe se do t’i dërgohet për njoftim Drejtorisë së Përgjithshme të Burgjeve, për për ta përcjellë më pas autorizimin dhe tek burgu i Durrësit, ku po qëndron Erion Veliaj që prej datës 12 shkurt.
