Gjykata e Themelore në Prishtinë ka bërë me dije për mediat kosovare se ka marrë në shqyrtim kërkesën e mbërritur në insitucion nga Prokuroria Speciale e Kosovës ku kërkohet që kryeministri në detyrë, Albin Kurti të merret në pyetje si person në djeni.
“Konfirmojmë se Gjykata Themelore në Prishtinë – Departamenti Special ka pranuar kërkesën në fjalë nga Prokuroria Speciale e Republikës së Kosovës, e njëjta është duke u shqyrtuar nga gjykata”, raportohet në media.
Kryeministri Albin Kurti është prej kohësh në përballje virtuale me prokurorët e Gjykatës Speciale. Ai është thërritur disa herë si dëshmitar në Prokurori, por asnjëherë nuk është paraqitur. Deri më tani nuk dihet saktë së për çfarë çështje apo shkelje të ligjit kemi të bëjmë, por burime jozyrtare kanë konfirmuar se Albin Kurti dyshohet si person që ka keqpërdorur pozitën e tij si kryemistër.
