Sot në ambientet e “Shtëpisë së Futbollit” u hodh shorti për fazën çerekfinale të Kupës së Shqipërisë 2024/2025.
Në bazë të rregullores, skuadrat u ndanë në dy vazo, ku në vazon e parë u pozicionuan: Egnatia, Partizani, Vllaznia dhe Skënderbeu dhe në vazon e dytë: Laçi, Dinamo City, Bylis dhe AF Elbasani.
Nga shorti i hedhur u përcaktuan katër çiftet çerekfinaliste:
Bylis – Egnatia
AF Elbasani – Vllaznia
Laçi – Partizani
Dinamo City – Skënderbeu
Takimet do të luhen me sistem vajtje-ardhje dhe sfidat e para do të zhvillohen në fushën e ekipeve të pozicionuara në vazon e dytë. Ndeshjet e para do të luhen më 5 shkurt dhe takimet e kthimit më 26 shkurt.
