Platforma e njohur e lojërave online Roblox, me mbi 200 milionë përdorues aktivë, është bërë shpesh qendër polemikash dhe ndalimesh në vende të ndryshme të botës për shkak të rreziqeve ndaj fëmijëve dhe përmbajtjes së papërshtatshme.
Në Katar, loja u bllokua më 13 gusht 2025 pas presionit të madh publik mbi rastet e shfrytëzimit online. Edhe Turqia, Jordania dhe Omani kanë marrë masa të ngjashme, ndërsa Kina e mbylli versionin lokal të saj për arsye ideologjike. Më herët, Arabia Saudite dhe Emiratet e Bashkuara e kishin ndaluar nga 2018 deri në 2021.
Ekspertët thonë se problemet lidhen me predatorë online, mungesë kontrolli mbi përmbajtjen dhe mashtrime financiare, duke e bërë Roblox një platformë që, megjithëse ofron argëtim e kreativitet, mbetet e rrezikshme për fëmijët nëse nuk monitorohet nga prindërit.
Sipas mediave ndërkombëtare, bllokimi në Katar erdhi pas një fushate të fortë në rrjete sociale, ku prindër dhe qytetarë kërkuan ndërhyrjen e shtetit për të mbrojtur të miturit nga ekspozimi ndaj përmbajtjeve të dëmshme, mashtrimeve dhe rrezikut të shfrytëzimit online.
Edhe pse autoritetet qatarase nuk kanë dhënë ende një deklaratë zyrtare, raportimet konfirmojnë se që prej 13 gushtit lojtarët në Katar nuk mund të përdorin Roblox.
Katari kështu i bashkohet disa shteteve të tjera si Turqia, Omani, Jordania, Kina dhe pjesërisht Indonezia, të cilat kanë ndaluar ose kufizuar më herët qasjen në këtë platformë me të njëjtat shqetësime për sigurinë e fëmijëve.
Roblox mbetet një nga platformat më të mëdha të lojërave në botë, me mbi 200 milionë përdorues aktivë çdo muaj, por kritikat ndaj saj po shtohen për shkak të përmbajtjeve të pakontrolluara dhe ndërveprimeve të rrezikshme që mund të ndodhin mes përdoruesve.
- Vende që kanë ndaluar ose bllokuar Roblox
Arabia Saudite & Emiratet e Bashkuara (2018–2021)
Loja u ndalua për disa vite për përmbajtje të papërshtatshme ndaj fëmijëve. Pas rishikimeve dhe përmirësimeve të moderimit, ndalimi u hoq.
- Oman & Jordani (2021)
Autoritetet ndaluan Roblox-in, duke e cilësuar të rrezikshëm për të miturit për shkak të dhunës, përmbajtjes seksuale dhe mashtrimeve brenda platformës. - Kina (2021)
Versioni lokal “Luobu” u mbyll nga autoritetet kineze për arsye ideologjike dhe kontroll kulturor, pasi loja shihej si kërcënim për edukimin e të rinjve. - Turqia (2024)
Roblox u bllokua në gusht 2024 pas raporteve për predatorë online që tentonin të afroheshin me fëmijë nëpërmjet chat-it të lojës. - Katari (2025)
Më 13 gusht 2025, Katari ndaloi zyrtarisht Roblox-in pas presionit të madh nga prindërit dhe rrjetet sociale. Vendimi erdhi pas shqetësimeve për përmbajtje të dëmshme dhe rrezikun e shfrytëzimit të fëmijëve online.
Po ju e kontrolloni fëmijën tuaj çfarë lojrash luan dhe sa të sigurta janë?
