Mbrëmjen e sotme u zhvilluan 10 ndeshje në ditën e dytë të kualifikuesve për Botërorin e futbollit, ku disa nga kombëtaret më të forta të Europës shënuan fitore bindëse.
Rino Gattuso debutoi me këmbë të mbarë në stolin e Italisë, duke udhëhequr “Azzurrët” drejt një triumfi të thellë 5-0 ndaj Estonisë. Pas një pjese të parë të qetë, italianët shpërthyen në fraksionin e dytë, duke siguruar tri pikë të rëndësishme në Grupin I.
Në të njëjtin grup, Izraeli impresionoi me një fitore 0-4 ndaj Moldavisë, duke treguar se do të jetë një rival serioz për zonat kualifikuese.
Franca nisi me këmbë të mbarë fushatën e saj, duke mposhtur 0-2 Ukrainën falë golave të Olise dhe Mbappé. Po në Grupin D, Islanda shënoi një fitore të thellë 5-0 ndaj Azerbajxhanit.
Në Grupin C, Greqia dominoi Bjellorusinë me rezultat 5-1, duke u ngjitur në krye të grupit, ndërsa Danimarka dhe Skocia u ndanë pa gola.
Fitore të rëndësishme u regjistruan edhe në Grupin L: Kroacia mundi 0-1 Ishujt Faroe, ndërsa Republika Çeke fitoi 0-2 në transfertë ndaj Malit të Zi.
