Mbrëmjen e së hënës, përveç Kosovës, janë zhvilluar edhe shtatë ndeshje të tjera në kompeticionin e kualifikimeve për Botërorin, me disa emra të njohur të futbollit që kanë përformuar në fushë.
Gjermania, pas një periudhe sfidash, duket se ka gjetur ekuilibrin e saj, duke arritur një fitore të rëndësishme përballë Irlandës së Veriut.
Woltemade shënoi golin e vetëm në minutën e 31’, duke siguruar fitoren që mban “Panzerat” në krye të Grupit A me 9 pikë. Sllovakia, gjithashtu, ndjek pa probleme, pasi mundi Luksemburgun me rezultatin 2-0, duke siguruar po ashtu 9 pikë.
Në Grupin B, ku bën pjesë edhe Kosova, Zvicra regjistroi barazimin e parë, duke u ndalur në 0-0 përballë Sllovenisë.
Përkundër këtij rezultati, Zvicra mbetet në vendin e parë të grupit me 10 pikë. Kosova, nga ana tjetër, ka korrur një fitore të vlefshme ndaj Suedisë, 1-0, një rezultat që inkurajon ekipin në rrugën për drejtimin e kualifikimeve.
Grupi D ka sjellë një ndeshje pasionante mes Francës dhe Islandës, e cila përfundoi me rezultatin 2-2. Ishin islandezët që shënuan të parët me Palsson, ndonëse Franca arriti të përmbysë rezultatin me golat e Nkunku dhe Mateta.
Megjithatë, një goditje e Hlynsson riktheu barazimin për vendasit. Ukrainë gjithashtu regjistroi një fitore të rëndësishme ndaj Azerbajxhanit, duke përfunduar 2-1, ndërsa Franca kryeson me 10 pikë, një fitore larg kualifikimit për në Botëror.
Në Grupin J, Belgjika shkoi në krye pas një fitoreje dramatike 4-2 përballë Uellsit, ndërsa Maqedonia e Veriut hasi në një hap fals duke barazuar 1-1 me Kazakistanin.
Rezultatet e natës përfshijnë ndeshjet:
- Grupi A: Irlandë e Veriut 0-1 Gjermani; Sllovaki 2-0 Luksemburg
- Grupi B: Suedi 0-1 Kosovë; Sllovenia 0-0 Zvicër
- Grupi D: Islandë 2-2 Francë; Ukrainë 2-1 Azerbajxhan
- Grupi J: Uells 2-4 Belgjikë; Maqedoni e Veriut 1-1 Kazakistan.
