Gjatë orëve të para të ditës, pritet që shumica e territorit të karakterizohet nga mot i kthjellët në ultësirën perëndimore, ndërsa në zonat malore do të ketë kalime të lehta vranësirash.
Më vonë gjatë ditës, vranësirat do të shtohen kryesisht në zonat malore. Era do të fryjë me intensitet mesatar deri të fortë nga veriu dhe veriperëndimi, me shpejtësi mbi 30 km/h, duke shkaktuar dallgëzim mbi 3 ballë përgjatë vijës bregdetare.
Temperaturat do të jenë si më poshtë:
– Në bregdet: nga 14°C deri në 29°C
– Në zonat e ulëta: nga 9°C deri në 28°C
– Në zonat malore: nga 5°C deri në 22°C
