Katër të rinj u arrestuan në Tiranë si pasojë e një operacioni policor të quajtur “Drug party”. Gjatë kontrollit fizik të tyre, efektivët u kanë sekuestruar 300 tableta ekstazi (MDMA).
Katër të arrestuarit nga Antidroga e Tiranës janë; Ergis Noka, Drin Vjerdha, Kristofor Pandelejmoni dhe Mario Çerra, që punonin si gazetarë në një portal lajmesh.
Ata kishin një zyrë në zonën e ish-Bllokut, të cilën e përdornin për shpërndarjen e lëndës narkotike, sipas policisë. Aktivitetin e ushtronin në zonën e ish-Bllokut.
Gjatë kontrollit në zyrat e portalit janë gjetur dhe pajisje që përdoren për kultivim kanabisi.
Grupi hetimor ka dyshime se të arrestuarit kultivon drogë në vende të tjera. Sa i takon ekstazisë dyshohet se ata e siguronin përmes Kosovës dhe Serbisë.
Postimi i Naim Nokës:
“Sqarim për lexuesit, kolegët dhe te gjithë dashamirësit dhe jo vetëm! Po e bëj këtë sqarim duke e botuar lajmin siç e kanë botuar te gjitha mediat edhe për djalin tim adoleshent E. N. Ju siguroj sipas infove që kam se djali im ishte i shoqëruar me shokët por nuk ka shitur apo përdorur lende apo pajisje dhe këtë do të vërtetojnë organet e drejtësisë. Dyqani apo zyra e reklamuar nuk është prej muajsh në përdorim të medias që unë drejtoj. Ju garantoj se paçka se bën lajm më shumë pse është ndaluar djali i një drejtuesi medie nuk ndryshon asgjë në profesionin tim dhe në median që unë drejtoj. Ju uroj më të mirat!”.
