Gjatë një vizite zyrtare në Austri, Kryetari i Kuvendit, Niko Peleshi, u takua me Kryetarin e Parlamentit austriak, Walter Rosenkranz, duke shënuar një fazë të re të diplomacisë parlamentare shqiptare me fokus në procesin e anëtarësimit të Shqipërisë në Bashkimin Europian.
Peleshi theksoi rëndësinë e mbështetjes nga parlamente të ndryshme kombëtare, pas përkrahjes që Shqipëria ka marrë nga Komisioni Europian dhe Parlamenti Europian.
Ai e vlerësoi Austrinë si një aleathistorik të Shqipërisë që nga shpallja e pavarësisë, duke e konsideruar përpjekjen për integrimin e vendeve të Ballkanit Perëndimor si një kontribut pozitiv për stabilitetin dhe sigurinë në Evropë.
Të dy liderët diskutuan mbi nevojën për forcimin e bashkëpunimit dypalësh në fusha të ndryshme, duke përfshirë intensifikimin e bashkëpunimit parlamentar në nivele të ndryshme.
Një fokus i veçantë iu kushtua angazhimeve të Shqipërisë në nismat rajonale që promovojnë dialogun dhe integrimin evropian.
Peleshi theksoi marrëdhëniet e ngushta me Austrinë në fushën e sigurisë dhe ndarjen e qëndrimeve mbi rëndësinë e vlerave demokratike në kontinent.
Ramë dakord për mbështetje të vazhdueshme për Kosovën dhe nismat që promovojnë njohjet ndërkombëtare dhe dialogun Prishtinë-Beograd.
Peleshi theksoi gjithashtu përkushtimin e përbashkët për mbështetje ndaj Ukrainës, duke kërkuar ruajtjen e paqes dhe stabilitetit në Evropë dhe përtej saj.
Ai e përshkroi vizitën e tij si historike dhe theksoi lidhjet emocionale dhe njerëzore që kanë Shqipëria dhe Austria, duke përmendur përkrahjen historike që Austria i ka dhënë elitës intelektuale shqiptare dhe iniciativave për demokraci.
