Një qendër votimi në Vlorë nuk është hapur ende për shkak të një fatkeqësie familjare: kryetarit të komisionit i ka ndërruar jetë nëna. Ndërkohë, qytetarët janë duke pritur në radhë për të ushtruar të drejtën e votës.
Sot, më 11 maj 2025, qytetarët shqiptarë po i drejtohen kutive të votimit për të zgjedhur përfaqësuesit e rinj të parlamentit. Janë rreth 3.7 milionë votues që do të vendosin për 140 deputetët që do të ulen në Kuvend. Votimi ka nisur në orën 07:00 dhe do të vijojë deri në orën 19:00.
Për herë të parë në një proces parlamentar, edhe diaspora shqiptare ka të drejtë vote, me 245.935 emigrantë të regjistruar për të votuar. Në garë për të fituar shumicën parlamentare janë 11 subjekte dhe koalicione politike, me kandidatë të renditur në lista të hapura dhe të mbyllura.
