Kisha Ortodokse ka ndarë detaje të reja përsa i përket gjendjes shëndetësore të Kryepeshkopit Anastas Janullatos.Përfaqësuesja e shtypit për Kishën Ortodokse Valbona Duri, tha se gjendja shëndetësore e Kryepeshkopit paraqitet stabile por është dërguar drejt Athinës për të diagnostikime dhe kujdes më të specializuar.
“Gjendja e Kryepiskopit Anastas është e stabilizuar, por për diagnostikime më të specializuara të sygjeruara nga mjekët, do të nërgohet në Athinë,” mësohet të ketë thënë ajo.Kujtojmë se kryepeshkopi u shtrua në një spital privat në kryeqytet më 30 dhjetor për shkak të një viroze sezonale. Mjekët që po kujdesen për të janë të bindur për përmirësimin e tij dhe shprehin optimizëm për shërimin e plotë të tij.
Ai u nis gjatë ditës së sotme drejt Athinës për të marrë mjekim të specializuar për shkak se pësoi hemoragji gastrike.Janullatos, i njohur për angazhimin e tij të palodhshëm në jetën shpirtërore dhe shoqërore të vendit, po merr kujdesin më të mirë për t’u rikthyer në detyrën e tij.
