Rrjetet sociale kanë nxitur së fundmi aludime për kriza në marrëdhëniet e shumë çifteve të njohura, veçanërisht atyre VIP.
Së fundmi, në lupë është vënë marrëdhënia e moderatorit Florian Agalliu me partneren e tij, Renisa Shabani. Dyshimet kanë lindur pasi çifti nuk ndiqet më në rrjetet sociale, ndërsa mungesa e ndërveprimit mes tyre ka rënë dukshëm në sy.
Për më tepër, Flori dhe Renisa e kanë uruar Vitin e Ri me postime të ndara, ku në fokus ishte vajza e tyre, duke munguar kështu kartolina tradicionale familjare e fundvitit, siç kanë bërë më herët.
Kujtojmë se pas denoncimit publik ndaj RTSH-së, Florian Agllaiu iu bashkua emisionit të mëngjesit në Vizion Plus, ku shfaqet në krah të moderatores Brikena Prifti, duke u dukur mjaft komod në rolin e tij të ri.
Megjithatë, pavarësisht sinjaleve në rrjetet sociale, një krizë në marrëdhënien e çiftit mbetet ende vetëm në kuadrin e hipotezave, pa asnjë reagim apo konfirmim zyrtar nga vetë protagonistët.
/ilirianews.al
