Kremlini ka përsëritur ftesën e presidentit rus, Vladimir Putin, për homologun ukrainas, Volodymyr Zelensky, për t’u takuar në Moskë. Zëdhënësi i Kremlinit, Dmitry Peskov, theksoi se Zelensky nuk është ftua për t’u dorëzuar, por për të marrë pjesë në bisedime.
Gjatë konferencës së tij në Kinë, Putin deklaroi se nuk e ka refuzuar kurrë mundësinë e takimit me Zelenskyn dhe se një samit “vetëm për hir të takimit” nuk ka kuptim. Megjithatë, ai shtoi se nëse Zelensky dëshiron të bisedojë, mund të vijë në Moskë.
Autoritetet ukrainase kanë përjashtuar mundësinë e një takimi sipas kushteve të Moskës, duke e konsideruar ofertën e Putinit të papranueshme. Ministri i Jashtëm ukrainas, Andrey Sibiga, deklaroi se Zelensky është i gatshëm të takohet, por jo nën presionin e Rusisë.
Peskov nënvizoi se ftesa ishte për dialog dhe jo për dorëzim. Nga ana tjetër, Putin gjatë Forumin Ekonomik Lindor në Vladivostok tha se mbetet i hapur për takime të drejtpërdrejta, megjithëse arritja e marrëveshjeve do të jetë “praktikisht e pamundur” pa përgatitje paraprake.
Kremlini thekson se çdo samit duhet të jetë i kuptimplotë dhe i përgatitur mirë, dhe negociatat do të zhvillohen vetëm pasi të dyja palët të kenë hartuar skicat e një marrëveshjeje paqeje.
