Bashkia e Tiranës ka hapur aplikimet për programin e strehimit social, ku qytetarët mund të aplikojnë për të perfituar kredi të buta. Këto programe synojnë të ndihmojnë individët dhe familjet që janë në kushte të vështira ekonomike dhe sociale, duke u bazuar në kritere specifike të përcaktuara në dokumentacionin zyrtar. Faza e parë e aplikimit ka përfunduar më 13 janar. Aktualisht, pritet shpallja e fituesve dhe hapja e fazës së dytë, e cila konsiston në dorëzimin e dokumentacionit.
Një prej pikëve që ka shkaktuar debat mes qytetarëve është vendosja e 3 pikëve për komunitetin LGBTI. Shumë qytetarë e kanë interpretuar këtë si një favorizim të padrejtë në krahasim me grupet e tjera sociale që gjithashtu kanë nevoja të konsiderueshme. Ky fakt ka shkaktuar diskutime të gjera në rrjetet sociale dhe në opinionin publik.
Pyetje të paqarta dhe shqetësime
Një nga përpyetjet që ngrihet është: Ku mund të merret një vërtetim për përkatësinë në komunitetin LGBTI? Si verifikohet ky fakt dhe cilat institucione e mbështesin lëshimin e tij? Këto mbeten çështje për të cilat duhet transparencë nga ana e autoriteteve për të shmangur keqkuptimet dhe debatet publike.
A po krijohet një favorizim i padrejtë ndaj komunitetit LGBTI apo ky është një hap drejt një shoqërje më të drejtë dhe të barabartë? Kjo mbetet për të u diskutuar dhe vlerësuar, teksa programet e strehimit vijojnë të implementohen.
Reagimet e qytetarëve
Shumë qytetarë kanë shprehur pakënaqësi duke theksuar se favorizimi i një grupi të caktuar mund të krijojë pabarazi mes aplikantëve. “Të gjithë kemi nevojë për një strehim, por si mund të justifikohet ky favorizim kur ka familje që mezi ia dalin fundjavës?”, shprehet një qytetar nga Tirana.
Kriteret e pikëzimit
Sipas dokumentacionit të publikuar nga Bashkia e Tiranës, aplikantët vlerësohen mbi bazën e një sistemi pikëzimi që marrë parasysh kushte të ndryshme:
1.1 Kushtet e strehimit (18 pikë)
– Nuk disponon apartament në pronësi: 4 pikë
– Banojnë në banesa në rrezik shembjeje, kanë mbetur ose rrezikojnë të mbeten të pastreha, si rezultat i fatkeqësive natyrore: 2 pikë
– Banojnë në banesa të mbipopulluara, sipas përcaktimeve dhe normave në fuqi: 2 pikë
– Familjet ose individët që humbasin banesën e tyre, si pasojë e zhvendosjes ose zbatimit të një vendimi gjyqësor: 4 pikë
– Banojnë në banesa që prishen ose përjashtohen nga procesi i legalizimit, si rezultat i investimeve publike: 6 pikë
1.2 Kushtet familjare (30 pikë)
– Familje një prindërore që kanë në ngarkim fëmijë, ku përfshihen dhe vajzat-nëna: 6 pikë
– Përbehen nga familje që kanë në ngarkim persona me aftësi të kufizuar apo persona në pension: 5 pikë
– Familjet me më shumë se katër fëmijë: 4 pikë
– Cifte të reja/të rinj me moshë jo më të madhe se 35 vjeç; familje të reja ku çifti i bashkëshortëve ka moshë të përbashkët totale deri 70 vjeç: 15 pikë
1.3 Kushtet sociale (40 pikë)
– Ka statusin e jetimit dhe moshë deri në 30 vjeç: 6 pikë
– Ka mbetur i pastrehë për shkak të lirimit të banesës ish-pronarëve: 5 pikë
– Emigrant i rikthyer/punëtor emigrant/azilkërkues: 1 pikë
– Familje e punonjësit të Policisë së Shtetit të rënë në detyrë: 4 pikë
– Punonjës i Repartit të Ndërhyrjes së Shpejtë (FNSH), RENEA-s, apo Shërbimit të Mbrojtjes nga Zjarri dhe Shpëtimi: 2 pikë
– Viktimë e dhunës në familje/viktimë e trafikimit/viktimat e mundshme të trafikimit: 8 pikë
– Anëtar i minoritetit rom/egjiptian: 8 pikë
– I mitur në konflikt me ligjin: 1 pikë
– Komuniteti LGBTI: 3 pikë
– Anëtar i familjes që trajtohet me ndihmë ekonomike: 2 pikë
1.4 Kushtet ekonomike (12 pikë)
– Të ardhura nën 70% të të ardhurave mesatare: 5 pikë
– Të ardhura deri 70%-100% të të ardhurave mesatare: 4 pikë
– Të ardhura 100%-120% të të ardhurave mesatare: 3 pikë
