Koreja e Veriut ka nisur të dërgojë trupa për të luftuar me Rusinë kundër Ukrainës, ka thënë agjencia e spiunazhit të Koresë së Jugut ndërsa Seuli paralajmëroi për një “kërcënim të rëndë sigurie”.
Sikurse shkruan BBC, pretendimi vjen një ditë pasi presidenti ukrainas Volodymyr Zelensky tha se besonte se 10,000 ushtarë të Koresë së Veriut mund t’i bashkohen luftës, bazuar në informacionin e inteligjencës.
Sipas agjencisë së spiunazhit, 1,500 trupa kanë mbërritur tashmë në Rusi, teksa shifra deri në fund pritet të jetë 12 000 trupa ushtarake.
Javën e kaluar, udhëheqësi i Koresë së Veriut Kim Jong Un përshëndeti presidentin rus Vladimir Putin në ditëlindjen e tij, duke e quajtur atë “shokun e tij më të ngushtë”.
