Edhe pse zgjedhjet janë mbajtur në muajin shkurt, ngërçi politik në Kosovë nuk është zgjedhur.
Gjykata Kushtetuese e Kosovës ka vendosur masë të përkohshme, që do të jetë në fuqi nga 27 korriku deri më 8 gusht, periudhë në të cilën deputetëve u ndalohet të ndërmarrin çdo vendim apo veprim për konstituimin e Kuvendit, të dalë nga zgjedhjet e shkurtit.
Nga pamjet e siguruara nga korrespodentja e Top Channel në Prishtinë, Leonita Bajrami, pak para nisjes së seancës, në hyrje të Kuvendit janë parë ambasadorë të vendeve perëndimore, përfshirë përfaqësues të Shteteve të Bashkuara, Mbretërisë së Bashkuar, Gjermanisë, Francës, si dhe shefi i Zyrës së BE-së në Kosovë.
Si pjesëtarë të vendeve të QUINT-it, ata kanë bërë thirrje disa herë që Kosova t’i formojë sa më shpejt institucionet.
QUINT-i përbëhet nga SHBA-ja, Mbretëria e Bashkuar, Italia, Franca dhe Gjermania.
