Kryeministri Edi Rama ishte i pranishëm në Madrid, ku u fol edhe për faktin që në Tiranë do të mbahet Kongresi Botëror i Ligjeve më 2027.
Rama u shpreh se për shqiptarët dhe Shqipërinë ka pasur shumë stigma, por shtoi se tashmë vendi ynë ka 12 milionë vizitorë të huaj në vit. Ai deklaroi se Shqipëria pretendon të marrë Kupën e Botës në mikpritje. Rama deklaroi se vjedhjet janë në nivelin më të ulët në Europë.
Edi Rama: Ne mund të jemi mbrapa në shumë gjëra, por ne duam Kupën e Botës në mikpritje. Të gjithë këtu keni një ftesë për të ardhur në Shqipëri. Jemi shumë të nderuar që jemi këtu dhe që na është treguar kaq shumë respekt dhe gjithashtu që takuam Mbretin, që nga pikëpamja njerëzore është më e mira që mund të gjesh.
Ne ishim tërësisht të izoluar dhe ishim Koreja e Jugut e Europës. Kemi luftuar për shumë vite kundër stigmës, sot kemi 12 milionë vizitorë në muaj. Shqipëria sot është me tjetër reputacion. Kemi normën më të ulët të vjedhjes në Europë.
