Rrjetet sociale janë “pushtuar” nga zëri melodioz dhe aq shumë i munguar i ikonës së muzikës shqiptare Parashqevi Simaku, e cila ka sjellë si këngë një tekst të Andon Zako Çajupit. Video e cila është komentuar jo pak nga ndjekësit. Një pjesë e të cilëve kanë gjykuar tekstin e këngës në raport me moshën e këngëtares.
Në një intervistë ekskluzive me gazetarin Blendi Fevziu në studion e emisionit “Opinion” në Tv Klan biznesmeni Elton Ilirjani pati një koment për këngën e re të Parshqevi Simakut dhe ‘opinionet’ që qarkullojnë për të. Ai dha gjithashtu lajmin se kënga e saj do të lançohet të shtunën.
“Do e lançojmë të shtunën dhe doja që ta ndaja me ju këtë moment. Kjo është një këngë me tekst të Andon Zako Çajupit dhe nuk ka fare erotikë apo një etiketim të tillë. Parashqevia është sensuale. Parashqevi Simaku ka qenë sensualiteti i Shqipërisë dhe mbetet, jo seksualitet, por sensualitet. Tani ne jemi mësuar më shumë këngë që kanë seksualitet brenda. Ajo ka zë, ka aktrim, ajo zgjidhet vetë të vishet në këtë mënyrë dhe i bën gjërat sipas mendjes së saj, sepse është mendje artisteje.”https://www.youtube.com/embed/v-QJipqUXWQ?si=7H2gdPUQ1eBR_g9b
Pyetjes se nëse ikona e muzikës shqiptare e ka në plan të kthehet në atdhe, Elton Ilirjani u përgjigj me bindje “po”. Më tej ai tregoi dhe 2 dëshirat e Parashqevi Simakut: mbajtja e një koncerti madhështor në Shtator dhe realizimi i një interviste me Blendi Fevziun.
“Ne kemi dëshirë dhe ajo vetë ka dëshirë që të vijë në Shtator në Shqipëri dhe të ketë një koncert. Por, para kësaj ajo do që të japë intervistë ekskluzivisht me ju në New York”./tvklan.al
