Fabrizio Romano bën me dije se klubi i Lecce-s në Serie A ka refuzuar ofertën 27 milionë euro nga Manchester United për Patrick Dorgu, anësorin 20-vjeçar që po shkëlqen këtë sezon dhe ndiqet nga disa klube të mëdha.
Klubi i Lecce-s ka vendosur të marrë në konsideratë vetëm ofertat që janë afër 40 milionë euro. Dorgu ka shënuar 3 gola dhe ka dhënë 1 asist në 22 ndeshje për Lecce-n këtë sezon, por paraqitjet e tij kanë qenë të një niveli të lartë ndaj dhe ka interes nga disa klube të mëdha.
Lecce kërkon të përfitojë sa më shumë sepse nuk i bie shpesh rasti të bëjë shitje të tillë që kapin shifrën e mbi 35 milionë eurove. Përveç Manchester United, për Dorgu ka interes të lartë edhe nga Napoli, por që deri tani nuk ka bërë ofertë konkrete.
