Moderatoret e “Goca &Gra” nisën takimin e kësaj të shtune me një diskutim për tregun imobilar në vendin tonë dhe shtrenjtimin e banesave.
Gjatë bisedës, moderatorja Kleoniki Delijorgji foli si agjente imobilare dhe zbuloi vlerën e apartamentit më të shtrenjtë që ka shitur: “Ishte një personazh publik që e bleu, e gjeti me çmim okazion. 500 mijë euro, një apartament 2+2”.
Kleoniki tregoi edhe apartamentin më të lirë që shet aktualisht. “Shtëpia më e lirë është 150 mijë euro”, tha ajo.
Duke folur më tej për faktin se shqiptarët e kanë shumë të rëndësishme blerjen e një shtëpie, moderatorja dha disa argumente.
“Arsyeja pse shqiptarët e kanë shumë të rëndësishme këtë gjë është se ne kemi ardhur nga komunizmi, atëherë njerëzit kanë qenë në mbijetesë. Edhe shtëpia, edhe ushqimi, kanë të bëjnë me sigurinë. Dhe kur nuk e ke të stabilizuar, të mos kesh një shtëpi, të duket sikur nuk po mbijeton më”.
