Japonia është kombëtarja e parë që është kualifikuar për Kupën e Botës 2026 përmes kualifikueseve. Japonia fitoi sot 2-0 ndaj Bahrain dhe kryeson grupin C me 19 pikë pas 7 ndeshjeve. Kur mbeten dhe 3 ndeshje për t’u luajtur, japonezët e kanë të sigurt një nga dy vendet e para, që të kualifikon direkt për në Botëror.
Azia dërgon direkt 8 ekipe në Kupën e Botës 2026, ndërsa një tjetër mund të sigurohet përmes play-off-it ndërkontinental. Azia ka 3 grupe kualifikuesesh me nga 8 ekipe, ku në secilin grup dy vendet e para kualfikohen direkt për në Botëror, ndërsa vendet e mbetura do të kualifikohen përmes play-offit.
Kujtojmë që Kupa e Botës 2026 do të mbahet në 3 shtete të cilat janë të kualifikuara automatikisht: Kanadaja, Meksika dhe Shtetet e Bashkuara të Amerikës. Për herë të parë në histori Kupa e Botës 2026 do të ketë 48 shtete pjesëmarrëse.
