Në një intervistë të fundit në “Grida Duma Podcast”, balerini i njohur Gerd Vaso ka risjellë në vëmendje marrëdhënien e tij me Enada Hoxhën, një ndër çiftet më të njohura të botës së artit dhe baletit në Shqipëri.
Kujtojmë se Enada Hoxha kishte bërë publik disa kohë më parë divorcin e saj me Gerd Vason, duke pranuar se arsyeja ishte tradhtia. Ky rrëfim tronditi publikun, pasi çifti konsiderohej për vite me radhë si një shembull i suksesit dhe harmonisë në skenë dhe në jetën private.
Sipas burimeve për Ilirianews.al, Gerd Vaso është përfshirë në një lidhje me balerinën Odeta Dishnica, e cila ka qenë jo vetëm kolege, por edhe mike e afërt e Enadës. Kjo marrëdhënie dyshohet se ka qenë arsyeja kryesore e ndarjes së çiftit.
Odeta Dishnica është nënë e një djali 15-vjeçar, nga martesa e saj e mëparshme me balerinin Ervis Nallbani.
Nga martesa e tyre, Gerd Vaso dhe Enada Hoxha kanë një djalë, Roan, 17 vjeç.
Edhe pse të dy artistët kanë zgjedhur tashmë rrugë të ndara, historia e tyre vazhdon të tërheqë vëmendjen e publikut për shkak të figurës së dashur që kanë krijuar në skenën shqiptare ndër vite.
