Shërbimi i inteligjencës ushtarake të Ukrainës bëri me dije sot se Rusia po planifikon të lëshojë një raketë balistike ndërkontinentale, me synimin për të trembur Ukrainën dhe vendet perëndimore.
Sipas një deklarate të postuar në aplikacionin Telegram, lëshimi i raketës është urdhëruar të kryhet gjatë natës nga rajoni Sverdlovsk i Rusisë. GUR thekson se raketa ka një rreze veprimi që tejkalon 10,000 kilometra.
“Për të ushtruar presion psikologjik dhe për të intimiduar hapur si Ukrainën, ashtu edhe shtetet anëtare të BE-së dhe NATO-s, agresori rus ka planifikuar një lëshim rakete balistike ndërkontinentale të tipit RS-24, duke e paraqitur si një veprim ‘stërvitor dhe luftarak’,” thuhet në njoftimin e GUR-së. Deri tani, autoritetet ruse nuk kanë dhënë ndonjë reagim zyrtar mbi këtë pretendim të inteligjencës ukrainase.
