Kevin Costner ka paditur dubluesen Devin LaBella për shpifje, duke e akuzuar atë për pretendime të rreme lidhur me një skenë të kontestuar të përdhunimit në filmin “Horizon: An American Saga – Chapter 2”. Ekipa ligjore e Costner po kërkon që të rrëzohet padi e LaBella-s, duke theksuar se versioni i saj i ngjarjeve ka ndryshuar në një dëshmi të fundit. Sipas asaj që raportoi TMZ, LaBella ka pranuar se koordinatori i dublantëve, Wade Allen, e kishte kontaktuar para xhirimeve dhe i kishte shpjeguar skenën e njohur.
Avokatët e Costner, i cili është regjisor, producent dhe aktor kryesor i filmit, argumentojnë se prova të tilla tregojnë se akuzat e LaBella-s janë të pabaza dhe theksojnë se ajo vetë kishte pranuar se kishte njohuri për skenën, e cila përfshinte një moment delikat.
Në anën tjetër, avokati i LaBella-s ka kundërshtuar këto pretendime, duke thënë se është shqetësuese mënyra se si të pandehurit po kërkojnë të rikonstruktojnë përvojat e klientes së tij. Ai theksoi se LaBella ka dhënë dëshminë e saj që nuk ka ndryshuar që nga momenti i parë kur ka raportuar incidentin në maj të vitit 2023.
Dëshmitë më të fundit të LaBella-s, të publikuara më 8 shtator, përfshinin detaje se ajo kishte menstruacione ditën e xhirimit të skenës dhe se fustani i saj ishte grisur, duke u ekspozuar nga aktori Roger Ivens. Ajo gjithashtu pretendon se pas një skene të planifikuar për përdhunim, u xhirua një tjetër, e ngjashme, pa praninë e një koordinatori intimiteti dhe pa pëlqimin e saj. LaBella akuzon Ivens se gjatë xhirimit i ka shtuar dorën pranë ose mbi gjinjtë dhe organet gjenitale, duke e bërë atë të ndjehej e “bllokuar”.
Avokati i Costner, Marty Singer, e ka cilësuar skenarin si të pabazuar dhe qesharak, duke thënë se 12 dëshmitarë kanë konfirmuar se akuzat e LaBella-s janë të sajuara. Costner ka shprehur vendosmërinë për të mbrojtur të vërtetën. Kjo çështje ka krijuar një debat të madh dhe mund të ketë pasojat e saj në karrierën e dy aktorëve.
