8 vite burg është dënimi që një gjykatë në Moskë ka caktuar ndaj Anastasia Berezhinskaya, me profesion drejtoreshë teatri.
Shkak për këtë janë bërë disa shkrime dhe komentë që Berezhinskaya, kishte lënshuar në rrjetin social Vkontake në vitin 2022. Komentet lidheshin me periudhën kur Rusia nisi sulmin pushtues në Ukrainë, dhe asokohe drejtoresha bënte thirrje për “vrasjen” dhe “eliminimin” e presidentit Vladimir Putin.
Akuzat që dhanë gjykatësit ndaj saj ishin “arsyetimin e terrorizmit”, për “përhapjen e të dhënave të rrejshme për ushtrinë ruse” si dhe për “përçmimin e Forcave të Armatosura të Rusisë”.
43- vjeçarja dha dëshminë e saj në gjykatë, duke pranuar pjesërisht fajin që kishte. Në fjalinë e saj përfundimtare para gjykatës, Berezhinskaya tha: “I nderuar, nuk kam asgjë të të them, asgjë për të shtuar. Do ta pranoj secilin vendim tuaj”.
Pasi gjykatësi e mori vendimin, Berezhinskaya u arrestua në vend. Para dhe gjatë gjykimit, ajo ishte urdhëruar të mos largohej nga Moska.
