Nëndrejtoresha e shkollës “Harry Fultz” Brikena Baxhaku është paraqitur mesditën e sotme në ambientet e Prokurorisë së Posaçme.
Brikena Baxhaku është thërritur në SPAK në lidhje me procesin hetimor që po zhvillohet për politikanin demokrat Belind Këlliçi, i cili është nën hetim për falsikim të diplomës së gjimnazit, të cilin e ka kryer në shkollën profesionale “Harry Fultz”.
Belind Këlliçi është thërritur disa herë në SPAK në lidhje me këtë proces hetimor. Ai i ka mohuar gjithmonë këto akuza duke u përgjigjur se edukimi është arma e tij më e fortë.
“Sot jam paraqitur në SPAK në lidhje me një kallëzim nga një mashtrues i dënuar me vendim gjykate 1 vit para se të lindja. Kam lindur në 1987 kam dhënë të gjitha sqarimet e mia shterues për shpifjet, vrerin e hedhur ndaj meje se kam rrëzuar një skemë korruptive dhe kam rrëzuar bandën më të madhe të hajdutëve 5D. Kreu i së cilës doli nga kolegët e SPAK.
Jam i hapur për çdo pyetje dhe çdo sqarim të mëtejshëm me mua, familjen time që nga dita që kam lindur 25.1.9187 e deri më sot. Jam sqarues. Në raport me ndodhitë e ditës. Për herët të dytë brenda viti kreu i bandës 5D u paraqit në SPAK. Nëse dikush mendon se duke përdorur persona të diskredituar që nga 1986 do më mbyllë mua gojën e ka gabim. Lërini mënjanë dhe më dilni përballë kushdo që do të më intimidojë. Kushdo që ka diçka në raport me mua të nxjerrë fytyrën ballë për ballë siç e kam nxjerrë unë’ tha Këlliçi pas daljes nga SPAK.
Shkoni pyesni në Harri Fultz, kam shokë klase, edukimi im është arma ime më e fortë dhe krenaria ime, nëse keni interes për korrupsionin, një nga krenaritë e mia është që unë e kam denoncuar. Kushdo të dali ballë për ballë, kushdo që do të më indimidojë në rrugëtimin tim për të bërë drejtësi,” u shpreh Këlliçi më 26 dhjetor pasi doli nga ambientet e SPAK.
