Policia e Shtetit ka finalizuar operacionin policor të koduar “Operacionalja 69”, duke vënë në pranga në Tiranë shtetasin Oltion Shehu, 49 vjeç, me origjinë nga Tepelena.
Shehu ishte shpallur në kërkim nga autoritetet e Kosovës, pasi Gjykata Themelore e Gjakovës në shkurt të vitit 2025 i kishte caktuar masën e sigurisë “Arrest në burg” për veprën penale “Kultivimi i bimëve narkotike”.
Arrestimi u bë i mundur falë bashkëpunimit mes Policisë së Shtetit dhe agjencive ligjzbatuese në Kosovë, në kuadër të shkëmbimit të informacionit ndërinstitucional.
Interpol Tirana vijon procedurat për ekstradimin e 49-vjeçarit drejt Kosovës, ku do të përballet me drejtësinë për veprimtarinë e tij kriminale.
