Nepali është duke u përballur me trazira të paprecedentë pas protestave të dhunshme që filluan të martën, ku më pas ndodhi një arratisje masive nga dy burgje në vend. Zyrtarët raportojnë se të paktën 900 të burgosur kanë ikur, ndërsa dhjetëra të tjerë mbeten të zhdukur në burgje të tjera, pasi vazhdojnë sulmet e pakonfirmuara.
Një nga incidentet kryesore ndodhi në burgun e Kaskit, ku 773 të dënuar arritën të iknin. Sipas Policisë së Distriktit Kaski, protestuesit e lëvizjes “Gjenerata Z” arritën të depërtojnë në ambientet e burgut, duke shkaktuar dëmtime serioze në infrastrukturën e tij. Gardianët ishin tërhequr si pasojë e përshkallëzimit të dhunës që ndodhte në qytet.
Një arratisje tjetër ndodhi në burgun e Tulsipurit, ku 127 të burgosur arritën të iknin. Policia e Tulsipurit ka konfirmuar arratisjen dhe ka filluar një operacion kërkimi në rajon, megjithëse kontrolli brenda burgut është i kufizuar për shkak të protestave vazhduese jashtë tij.
Protestat kanë filluar si një reagim ndaj politikave qeveritare dhe korrupsionit në sistemin gjyqësor, por kanë kaluar në këto trazira të dhunshme, duke rritur tensionin dhe duke minuar rendin publik. Deri më tani, autoritetet nepaleze nuk kanë ofruar komente lidhur me dështimin e masave të sigurise që nuk arritën të parandalonin arratisjet. Megjithatë, ata ndodhen në ndjekje të të arratisurve dhe po rivlerësojnë nivelin e sigurisë në të gjitha burgjet e vendit.
Kjo situatë ka sjellë shqetësime të mëdha për stabilitetin dhe sigurinë, duke e bërë Nepal një pikë qendrore të vëmendjes ndërkombëtare, pasi autoritetet përpiqen të përballen me pasojat e këtyre trazirave.
