Për shkak të një problemi teknik në një qendër të kontrollit të trafikut ajror, numri i fluturimeve në zonën e Londrës po kufizohet.
“Si pasojë e një problemi teknik në qendrën e kontrollit të trafikut ajror NATS Swanwick, ne po kufizojmë numrin e avionëve që fluturojnë në zonën e kontrollit të Londrës për të siguruar sigurinë, e cila është gjithmonë përparësia jonë e parë.
Kërkojmë ndjesë për çdo vonesë që mund të shkaktojë kjo.
Inxhinierët tanë po punojnë shumë për ta zgjidhur problemin sa më shpejt të jetë e mundur dhe po bashkëpunojmë ngushtë me linjat ajrore për të ndihmuar në minimizimin e ndërprerjeve.
Në këtë fazë nuk mund të themi se sa kohë do të duhet që operacionet të kthehen në normalitet.
Ju lutemi të kontrolloni me linjën tuaj ajrore statusin e fluturimit tuaj”, thuhet në deklaratën e plotë të shërbimit Kombëtar të Trafikut Ajror.
“Një problem teknik që ndikon në NATS po prek të gjitha fluturimet dalëse në të gjithë Mbretërinë e Bashkuar”, thotë Gatwick, duke shtuar: Aktualisht nuk ka nisje nga Aeroporti Gatwick i Londrës ndërsa situata po zgjidhet.
Po punojmë me NATS për të rifilluar fluturimet sa më shpejt të jetë e mundur.
Fluturimet hyrëse ende po ulen në aeroport. Pasagjerët duhet të kontrollojnë statusin e fluturimeve të tyre me linjën ajrore të tyre.
