Mbi një milion të rinj nga e gjithë bota u mblodhën në Tor Vergata në Romë për Jubileun e tyre. I pranishëm ka qenë edhe Papa Leoni i XIV i cili gjatë fjalës së tij bëri apel për paqe dhe se do të qëndrojë gjithmonë pranë të rinjve në Gaza, Ukrainë dhe kudo ku ka luftë.
“Ne qëndrojmë me të rinjtë e Gazës, Ukrainës dhe çdo toke të përgjakur nga lufta. Një botë tjetër është e mundur me dashurinë e Krishtit, një botë në të cilën konfliktet zgjidhen jo me armë, por me dialog”, tha Papa Leoni i XIV në fund të Meshës Jubileare, teksa më tej u bëri thirrje të rinjve që të tregojnë kujdes me rrjetet sociale, duke qenë se shumë prej tyre po bien “pre” e tyre.
Ndërkohë që të pranishëm kanë qenë edhe të rinj shqiptarë. Kjo u vu re nga flamuri kuqezi i cili valëvitej në mes të turmës.
